Bugun 23 noyabr, 2026 yil, dushanba

КИР

Koronavirus: Pfizer vaksinasining narxi ma’lum bo‘ldi

A A A
Koronavirus: Pfizer vaksinasining narxi ma’lum bo‘ldi

Amerikaning Pfizer va Germaniyaning BioNTech kompaniyasi tomonidan ishlab chiqarilgan koronavirusga qarshi vaksinaning Yevropa Ittifoqi mamlakatlari uchun narxi bir dozasi uchun 15,5 yevroni (18,34 dollar) tashkil etadi, deb xabar berdi Reuters, yetkazib berish bo‘yicha muzokaralarda qatnashgan Yevropa Ittifoqi vakiliga asoslanib, deya yozdi Rbc.ru.

Shunday qilib, Yevropa Komissiyasi rahbari Ursula fon der Lyayen ilgari sotib olishni rejalashtirganini e’lon qilgan 300 million dozali Pfizer va BioNTech vaksinalarining narxi 4,6 milliard yevroni tashkil etadi, deb hisoblaydi agentlik.

Evropa komissiyasi vakili vaksinalar narxi va shartnoma shartlari to‘g‘risida izoh berishdan bosh tortdi, chunki ular maxfiy. BioNTech ham izoh berishdan bosh tortdi. Pfizer Yevropa Ittifoqiga jo‘natilgan mahsulotlarning narxini hisoblash uchun jo‘natmalar hajmi va muddatlariga asoslangan murakkab formuladan foydalanganligini aytdi. Shuningdek, kompaniya Yevropa Ittifoqi bilan kelishuvda belgilangan narxni oshkor qilmagan.

Reuters shuningdek, manbalarga asoslanib, Germaniyaning CureVac vaksinasi dozasi birinchi 225 million dozada Bryussel uchun 10 yevroni tashkil qilishi haqida xabar berdi (kompaniya tomonidan belgilangan rasmiy narx - 12 yevro). Yevropa Ittifoqi yetkazib berish mart oyida boshlanishi mumkin. 

Vaksining narxi Pfizer va Germaniyaning BioNTech kompaniyasi tomonidan oshkor etilmagan. BioNTech strategiyasi rahbarining aytishicha, u Pfizer bilan ishlab chiqaradigan koronavirusga qarshi emlash keng tarqalishini ta’minlash uchun bozor narxlaridan pastroqda sotiladi.

Kiritildi: 19:14 20.11.2020. O'qildi: 3218 marta. Fikrlar soni: 0 ta.
telegram channel

Eng ko'p o'qilgan yangilik