Kiyevda 500 mingdan ortiq odam elektrsiz qoldi

Ukraina Moliya vazirligi ma’lumotiga ko‘ra, shanba tungi raketa va dron hujumlari natijasida Kiyev va Kiyev, Chernigov, Sum, Poltava hamda Xarkov viloyatlaridagi energetika ob’ektlari zararlandi.

Kiyevda 500 mingdan ortiq aholi, Kiyev viloyatida 100 mingdan ziyod, Xarkov viloyatida esa 8 mingga yaqin iste’molchi elektrsiz qoldi.

Barcha hududlarda soatma-soat elektr ta’minoti cheklovlari joriy qilingan, sanoat va biznes uchun quvvat cheklovlari davom etmoqda.

DTEK kompaniyasi xabar berishicha, Kiyevning Obolon, Solomenka, Shevchenko, Podol, Goloseev va Svyatoshin tumanlarida aholi elektrsiz. Rossiya hujumni hali rasman izohlamagan.

Shu vaqtda Kursk viloyati gubernatori Aleksandr Xinshteyn Ukrainaning zarbasi natijasida Rilsk tumanidagi energetika ob’ektlari zararlanganini va 600 odam elektrsiz qolganini ma’lum qildi.