O‘tgan haftada Yer yuzida 2,3 milliondan ortiq kishiga COVID-19 tashxisi qo‘yilgan. Ularning qariyb 7,5 ming nafari kasallik oqibatida hayotdan ko‘z yumdi.
Jahon sog‘liqni saqlash tashkilotining navbatdagi hisobotida qayd etilishicha, 7-13 noyabr kunlari koronavirusni yuqtirish holatlari undan avvalgi haftaga nisbatan 2 foizga oshgan. O‘lim ko‘rsatkichlari esa 30 foizga kamaydi.
Bemorlar sonining keskin ko‘payishi G‘arbiy Tinch okeani mintaqasi (+18 foiz), Janubi-Sharqiy Osiyo (+15 foiz) hamda Janubiy va Shimoliy Amerikada (+12 foiz) qayd etildi.
O‘lim ko‘rsatkichlarining sezilarli kamayishi asosan Afrika (-86 foiz), Janubi-Sharqiy Osiyo (-80 foiz) va Yevropada (-41 foiz) kuzatildi. G‘arbiy Tinch okeani (+14 foiz) va Sharqiy O‘rta yer dengizi (+7 foiz) mintaqasi mamlakatlarida aksincha, o‘sish dinamikasi aniqlandi.
O‘tgan haftada eng ko‘p bemorlar ro‘yxatga olingan mamlakatlar:
Yaponiya — 503 766,
Janubiy Koreya — 355 990,
AQSh — 281 955,
Germaniya — 184 987,
Xitoy — 171 745.
Eng ko‘p o‘lim holatlari qayd etilgan davlatlar:
AQSh — 2 323,
Yaponiya — 552,
Rossiya — 436,
Xitoy — 410,
Fransiya — 390.
Rossiya yaqin kunlarda Zelenskiyni o‘ldirib yuborishi mumkin
Dronlar Rossiyaning eng yirik neftni qayta ishlash zavodiga hujum qildi
Ukraina Rossiyani «qurollantirmoqda»
