Xitoydagi eng yirik kompaniyalardan biri bo‘lgan Alibaba asoschisi, milliarder Jek Ma mamlakatning eng boy odamlari reytingida beshinchi o‘ringa tushib qoldi.
Forbes USA Maning boyligini 41,5 mlrd dollar deb baholadi. Bu o‘tgan yilning noyabridagiga nisbatan 24,1 mlrd dollarga kam.
Endilikda Jek Ma ro‘yxatda beshinchi o‘rinda turibdi. Biznesmenning boyligi Xitoy hukumati o‘tgan yili Ant Group kompaniyasining IPO’sini bekor qilib, Alibaba kompaniyasiga 2,8 mlrd dollar jarima solganidan so‘ng kompaniya chorakni zarar bilan yakunlashi sababli kamaydi.
Maning boyligi bahorda e’lon qilingan reytingdagiga nisbatan 6,9 mlrd dollarga kamaygan. O‘shanda u to‘rtinchi o‘rindan joy olgandi.
Xitoyning eng badavlat odamlari reytingida qadoqlangan suv ishlab chiqaruvchi Nongfu Spring kompaniyasi egasi Chjun Shanshan birinchi o‘rinda turibdi. Uning boyligi 65,9 mlrd dollar deb baholanmoqda.