Janubiy Koreyada 80 yil ichidagi eng kuchli yomg‘ir yetti kishining hayotiga zomin bo‘ldi

Seulda kuchli yomg‘ir yetti kishining hayotiga zomin bo‘ldi, – deb xabar beradi "Yonhap".

Koreya Respublikasi rasmiylari xabariga ko‘ra, poytaxt va uning atrofida 6 kishi bedarak yo‘qolgan, 10 nafarga yaqin odam esa jarohatlangan.

Bundan tashqari, Seul va unga yaqin joylashgan boshqa bir qancha shaharlarda ko‘plab ma’muriy bino va turar-joy inshootlari, shuningdek, magistral va metro stansiyalari suv ostida qolgan.

Hozirda mamlakat poytaxtida kuzatilayotgan kuchli yomg‘ir yog‘ishi so‘nggi 80 yildagi eng kuchli jala bo‘lgani xabar qilindi.