Janubiy Koreya parlamenti prezidentga impichment e’lon qildi

Janubiy Koreya parlamenti prezidentning impichmentini qo‘llab-quvvatladi.

Janubiy Koreyadagi siyosiy inqiroz dekabr oyi boshida prezident Yun Sok Yol kutilmaganda harbiy holat e’lon qilganidan so‘ng avj oldi.

Harbiy holat barcha siyosiy faoliyatni, jumladan, parlament va siyosiy partiyalar faoliyatini taqiqlashni anglatardi.

Harbiy holat e’lon qilinganidan keyin darhol 190 nafar deputat parlamentga kirib, prezident qarorini bloklashga muvaffaq bo‘ldi. Prezident harbiy holat joriy qilinganidan olti soat o‘tib, uni bekor qilishga majbur bo‘ldi.

Endi nima bo‘ladi?

Endi gap Konstitusiyaviy sud qarorida. Aynan sud impichmentni tasdiqlash yoki Yun Sok Yolni lavozimiga tiklash haqida qaror qabul qilishi kerak. Ishni ko‘rib chiqish 6 oygacha davom etishi mumkin.

Janubiy Koreya bosh vaziri Xan Deok Su sud muhokama qilayotganda prezident vazifasini bajaradi.

Ammo prezident kurashsiz ketmasligi allaqachon ma’lum.

Yun Sok Yolning o‘zi bir necha kun oldin o‘z harakatini noto‘g‘ri deb hisoblamasligini va isyonchi ayblovlarini rad etishini yana bir bor ta’kidladi.

U iste’foga chiqish chaqiriqlariga e’tibor bermadi va muxolifatni «impichmentlarni suiiste’mol qilishda» ayblab, oxirigacha kurashishga va’da berdi.