Jahon iqtisodiyotining ilgarilab borishini ko‘rsatuvchi indikatorlar ishdan chiqmoqda

The New York Times nashri xabar berishicha, moliyaviy bozorlar, iste’mol xarajatlari va qarz ko‘rsatkichlaridan tortib — iqtisodiy rivojlanish trayektoriyasini bashorat qilishda an’anaviy ravishda ishonchli hisoblangan indikatorlar tobora ko‘proq jiddiy xatoliklarni namoyon etmoqda.

Noto‘g‘ri prognozlar yoki kutilgan natijani bermagan prognozlar o‘z-o‘zidan kam uchraydigan holat emas. Bu iqtisodiy tahlilning odatiy bir qismi hisoblanadi. Biroq hozir boshqacha holat kuzatilmoqda. Biznes, uy xo‘jaliklari, investorlar va ish bilan band aholining iqtisodiy zarbalarga tarixan qanday munosabat bildirib kelganini ko‘rsatib bergan an’anaviy oriyentirlar sezilarli darajada ishonchini yo‘qotdi.
.
Odatiy sharoitlarda iqtisodiy kutilmalar yomonlashishi xarajatlarning qisqarishiga olib keladi: uy xo‘jaliklari kelajakdan xavotirlanib, tejashga o‘tadi. AQShda iste’molchilar kayfiyati haqiqatan ham yomonlashgan. Shunga qaramasdan, iste’mol faolligi pasaymadi — aholi xarajatlari barqaror o‘sishda davom etmoqda.
.
AQSh iqtisodiyoti holati bilan dollar kursi o‘rtasidagi tarixiy o‘zaro bog‘liqlik ham zaiflashdi. Global noaniqlik davrlarida dollar odatda himoyaviy aktiv sifatida mustahkamlanadi. Biroq hozirgi paytda u so‘nggi yillardagi eng past darajalarga tushib ketdi.
.