Turkiyaning Istanbul aeroportida Eronning Caspian Airlines aviakompaniyasining EP-KPB ro‘yxatga olish raqamiga ega samolyoti qo‘lga olindi.
HaberGlobal xabariga ko‘ra, qo‘lga olish samolyotni boshqarayotgan aviakompaniyaning 3 million yevro qarzdorligi tufayli sodir bo‘lgan.
Xabar qilinishicha, sud jarayoni doirasida kreditor kompaniyaning advokatlari va sud ijrochilari Istanbul aeroportiga yetib kelishgan va samolyotning Eronga jo‘nab ketishining oldini olishga muvaffaq bo‘lishgan.
Keyin yo‘lovchilar samolyotdan kuzatib qo‘yildi va samolyot qo‘lga olindi.