Isroil qo‘shinlari Livanni tark etmaydi — Netanyaxu

Isroil bosh vaziri Binyamin Netanyaxu Isroil armiyasi Livan janubidan chiqib ketmasligini ma’lum qildi.

Uning ta’kidlashicha, Isroil o‘z xavfsizligini ta’minlash maqsadida mintaqada harbiy hozirligini saqlab qoladi va «Hizbulloh» tomonidan amalga oshiriladigan har qanday hujumga qat’iy javob qaytaradi.

Netanyaxuning so‘zlariga ko‘ra, Isroil Livan hududidan keladigan tahdidlarga qarshi harakat qilish huquqini o‘zida saqlab qoladi va chegara xavfsizligini ta’minlash ustuvor vazifa bo‘lib qolmoqda.