Isroil G‘azoda qariyb 73 ming kishini o‘ldirdi

2023 yil oktyabridan buyon Isroil armiyasi G‘azo sektorida 72 996 nafar kishini o‘ldirgan, yaralanganlar soni esa 173 246 nafarga yetgan. Davom etayotgan hujumlar qurbonlari haqidagi so‘nggi ma’lumotlarni G‘azo Sog‘liqni saqlash vazirligi taqdim etdi.

Vazirlik ma’lumotiga ko‘ra, so‘nggi bir sutka davomida eksklav shifoxonalariga halok bo‘lgan uch kishining jasadi va 16 nafar yarador yetkazilgan. Vayron bo‘lgan binolar vayronalari ostida hali ham minglab jasadlar qolmoqda va ularga yetib borish imkoni yo‘q.

Shuningdek, Sog‘liqni saqlash vazirligi 2025 yil 10 oktyabrda kuchga kirgan o‘t ochishni to‘xtatish rejimi davri bo‘yicha ham statistik ma’lumotlarni keltirdi. Bayonotga ko‘ra, ushbu sanadan keyin Isroil armiyasi 986 nafar kishini o‘ldirgan va yana 3138 nafar falastinlikni yaralagan.

Bundan tashqari, o‘t ochishni to‘xtatish rejimi amal qilgan davrda qutqaruvchilar vayronalar orasidan 783 nafar halok bo‘lgan insonning jasadini olib chiqqan. Vayron qilingan mahallalarda zarbalar berish va qidiruv-qutqaruv ishlari davom etmoqda.