Isroil delegasiyasi muzokaralar uchun Qatarga yetib keldi

Isroil G‘azo bo‘yicha muzokaralarda ishtirok etish uchun Mossad rahbarini Qatarga yubordi.

Isroil Bosh vaziri Binyamin Netanyaxu payshanba kuni AQSh prezidenti Jo Baydenga to‘xtab qolgan muzokaralarni qayta boshlash uchun delegasiya yuborishga qaror qilganini aytdi. Bu haqda Reuters isroillik manbaga tayanib xabar berdi.

Anonim qolishni istagan manbaning aytishicha, XAMAS kelishuv shartlari bo‘yicha qayta ko‘rib chiqilgan taklifni taqdim etganidan keyin kelishuvga erishish uchun real imkoniyat bor.