Ispaniya ijtimoiy tarmoqlardagi nafratni aniqlash tizimini ishga tushirdi

Ispaniya Bosh vaziri Pedro Sanches ijtimoiy tarmoqlardagi nafratning tarqalishini tahlil qiluvchi va algoritmlarning raqamli qutblanishga ta’sirini baholovchi HODIO tizimini taqdim etdi, deb xabar beradi Euronews.

Madridda ijtimoiy tarmoqlardagi nafrat va noqonuniy bosimga qarshi birinchi xalqaro sammitning ochilishida Sanches HODIO (Huella del Odio y la Polarización) tizimini ishga tushirganini e’lon qildi. Tizim nafratning ijtimoiy tarmoqlarda qanday tarqalishini tahlil qilish va qutblanuvchi kontentni kuchaytirishda ayrim platformalardagi algoritmlarning rolini baholash uchun mo‘ljallangan.

— Agar ilgari nafrat xavfli bo‘lgan bo‘lsa, endi ijtimoiy tarmoqlar uni kundalik hayotga kirib kelgan ommaviy qutblanish quroliga aylantirdi. Raqamli muhit qoidalarsiz bo‘la olmaydi, bugungi ijtimoiy tarmoqlar to‘laqonli davlatlar emas, — dedi Bosh vazir.

Tizimning maqsadi internetdagi nafrat nutqining evolyusiyasini kuzatish, uning tarqalishini aniqlash va ayrim platformalarning dinamikasi qutblanishga qanday hissa qo‘shishini yaxshiroq tushunish uchun indikatorlar yaratishdir.