Irlandiyaning sobiq prezidenti: «Isroil jazosiz harakat qilmoqda»

Irlandiyaning sobiq prezidenti va oqsoqollar kengashi raisi Meri Robinson Morning Ireland yangiliklar dasturiga Isroil Yaqin Sharqda jazosiz harakat qilmoqda, chunki yahudiy davlati jilovlanmagan.

«Biz isroillik tinch aholini Eron hujumidan himoya qilish bo‘yicha muvofiqlashtirilgan harakatlarni ko‘ryapmiz va bu G‘azodagi falastinlik tinch aholi va Livan fuqarolari uchun hech qanday himoya yo‘qligidan keskin farq qiladi», dedi sobiq prezident.

Robinsonning ta’kidlashicha, Nelson Mandela asos solgan oqsoqollar «Qo‘shma Shtatlarni qurol savdosini to‘xtatib, Isroil harakatlarini tiyishga bir necha bor chaqirgan».

Qonuniy mudofaa uchun zarur bo‘lmagan qurol-yarog‘, ayniqsa hujumkor qurollarni yetkazib berish xalqaro gumanitar huquq buzilgan sharoitda oqlanishi mumkin emas», — deya qo‘shimcha qildi u. “Isroilning o‘ta o‘ng qanot hukumati endi tajovuzkorlik qilishi mumkin, degan qarorga keldi. [...] Hozirda Isroil tomonidan nomutanosib tajovuzkor reaksiya mavjud va uni jilovlash kerak.

Meri Robinson - Irlandiyaning birinchi ayol prezidenti, ajralishni qonuniylashtirish, ayollarga hakamlar hay’atida o‘tirish imkoniyatini berish, 93% ma’qullash reytingi bilan Irlandiyaning eng mashhur siyosatchisiga aylanish kabi bir qator islohotlari bilan esda qolgan. 1997 yildan 2002 yilgacha BMTning Inson huquqlari bo‘yicha Oliy komissari lavozimida ishlagan. Nelson Mandela bilan birga Robinson »Oqsoqollar« xalqaro tashkilotining asoschilaridan biriga aylandi.

Robinson ham uzoq vaqtdan beri Falastin masalasini qo‘llab-quvvatlagan. 2014 yilda AQSh va Irlandiyaning sobiq prezidentlari Jimmi Karter va Meri Robinson AQSh va butun dunyoni Falastinning Xamas harakatini qonuniy siyosiy kuch sifatida tan olishga chaqirgan, shuningdek, Foreign Policy jurnali uchun qo‘shma maqolasida Isroilni qoralagan edi.