Ilon Mask yana trillioner maqomini yo‘qotdi

Amerikalik tadbirkor Ilon Mask SpaceX va Tesla aksiyalari narxining pasayishidan so‘ng yana bir bor trillioner maqomini yo‘qotdi. Uning sof boyligi 977,2 milliard dollarga tushdi.

Forbes ma’lumotlariga ko‘ra, 13 oktyabr kuni biznesmenning sof boyligi 28,6 milliard dollarga yoki taxminan 2,8 foizga kamaydi.

Asosiy sabab ochilish qo‘ng‘irog‘idan keyin SpaceX aksiyalarining 3 foizdan ko‘proqqa pasayishi bo‘lgan. Tesla aksiyalari ham taxminan 0,5 foizga pasaydi.

Mask atigi to‘rt kun oldin ikkala kompaniyaning aksiyalari narxining oshishi tufayli trillioner maqomini qaytarib oldi.

Uning sof boyligi SpaceX 2026 yil iyun oyida ommaviy savdoga chiqqanidan beri birinchi marta 1 trillion dollardan oshdi.

Forbes ma’lumotlariga ko‘ra, tadbirkor SpaceXning taxminan 48,4 foiziga va Teslaning 11 foiziga egalik qiladi.

SpaceX aksiyalarining pasayishi sun’iy intellekt chip ishlab chiqaruvchilarining sotilishi fonida sodir bo‘ldi.