Ikki yoshli go‘dak 5 kun suvsiz va ovqatsiz tog‘da qolib ketdi

Nikaraguaning shimoliy tog‘larida besh kun ovqat va suvsiz yashay olgan ikki yoshli bolakay topildi.

Bu haqda The Mirror xabar bermoqda. Ikki yashar Entoni Yoxendri Montenegro Errerani qo‘shnisi topib olgan. U ayolning uyidan 300 metr narida edi.

Shifokorlar uning zararli bakteriyalar bilan qoplanganligi, shu boisdan ham terisi biroz zarar ko‘rganligini xabar qilishdi. Ammo shunga qaramasdan, bolakay butunlay sog‘lom edi.

Bolaning otasi o‘g‘lini o‘g‘irlab, so‘ng tog‘larda qoldirib ketishganini ta’kidlamoqda.

Ayni paytda bola kasalxonaga yotqizilgan bo‘lib, shifokorlar uni nazorat qilishmoqda.