Qoraqalpog‘iston Respublikasining Nukus shahrida 2018 yil 12 sentyabr kuni ichki ishlar organlarida xizmat olib borayotgan xodim o‘z rahbariga axborot berib, unda 11 sentyabr kuni Nukus shahrida yashovchi, xususiy tadbirkor A.O. Qozog‘iston Respublikasidan “Olmaota-Nukus” yo‘lovchi poyezdida olib kelgan, umumiy qiymati 6 mln. so‘mlik kiyim-kechaklarni bojxona teshiruvidan yashirin ravishda olib o‘tayotganida ushlanganligi yuzasidan to‘plangan hujjatlarni bojxona boshqarmasiga yubormasdan ijobiy hal qilib berish evaziga unga pora sifatida 1 mln. so‘m pulni pora sifatida taklif qilayotganligini ma’lum qilgan.
Ushbu axborot yuzasidan 2018 yilning 12 sentyabrida ichki ishlar va prokuratura xodimlari hamkorligida o‘tkazilgan tezkor tadbir natijasida fuqaro A.O. xodimning xizmat xonasida unga 1 mln. so‘m pulni pora sifatida berayotganida qo‘lga olingan. Holat yuzasidan fuqaro A.O.ga nisbatan jinoyat ishi qo‘zg‘atilgan. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar berdi.
Tergov harakatlari olib borilmoqda.
Manba: uznews.uz
19 may kuni yomg‘ir yog‘ishi mumkin bo‘lgan hududlar e’lon qilindi
O‘g‘ri bojxonachilar 26 tonna oltin bilan qo‘lga tushdi
Namanganda 63-xalqaro “Gullar festivali” boshlandi
