Bugun ish bilan bozorga, aniqrog‘i, Qoraqamishdagi "Tansiqboyev" dehqon bozoriga tushdim. Yo‘l-yo‘lakay plastikdan pul yechtirdim. Shu mahal yoshi kattaroq onaxon plastigidan pul yechib berishimni iltimos qildi. Rozi bo‘ldim. Ammo "HUMO" plastik kartasini menga uzatdi. "Ammo"ning sababi shuki, men pul yechgan bankomat bu plastik kartani qabul qilmasdi. Shunda onaxon ayni damda ko‘pchilik keksalarimizni o‘ylantirayotgan savol bilan murojaat qildi:
— Pulni qayerdan yechtiray, bolam?
Javob yo‘q. "Humo" plastik kartasidan pul yechadigan bankomat esa bu yaqin atrofda yo‘q. Ammo men yashaydigan mahallada pensiya oladigan keksalar ko‘p. Umuman, oddiy bankomat turadigan har bir joyda "HUMO" plastik kartasini qabul qiladigan bankomat ham turishi kerak.
"HUMO" milliy brend, bunga e’tiroz yo‘q. Ammo yuqoridagi kabi noqulayliklar shundoq ham miyasida "o‘zimizniki yaxshi emas", degan tushuncha muhrlanib qolgan xalqimizning ko‘nglidagi norozilikni yana oshiradi. Eng qizig‘i, ushbu muammo "HUMO" ochilganidan beri bor, ammo hanuz hamma hududda yetarlicha qulaylik yaratilmagan.
Ushbu holat, muammoga "HUMO"dan tezkor va samarali yechim kutamiz.
Nizomjon ISLOMOV
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
O‘zbekiston tibbiyoti og‘ir judolikka uchradi
AQSh Harbiy-havo kuchlari yangi “qiyomat samolyoti”ni yaratish bo‘yicha shartnoma imzoladi
