Mudofaa vazirligiga qarashli “Forish” tog‘ dala-o‘quv maydonida yurtimiz tinchligi va osoyishtaligini ta’minlash yo‘lida xizmat qilayotgan Markaziy harbiy okrug tasarrufidagi harbiy qism harbiy xizmatchilari murakkab va harakatlanish qiyin bo‘lgan tog‘li hududlarda jangovar vazifani bajarish bo‘yicha bilim va ko‘nikmalarini oshirdilar.
O‘tkazilgan taktik o‘quv mashg‘ulotida harbiy xizmatchilar tog‘li hududlarda harakatlanish, tog‘ tayyorgarligi anjomlaridan samarali foydalanish, tik va yassi balandliklarga arqon yordamida va arqonsiz chiqib-tushish, soy va daryolar, daralar ustidan o‘tish hamda yaradorlarni evakuasiya qilish bo‘yicha qo‘yilgan vazifalarni muvaffaqiyatli bajarishdi.
Shuningdek, qulay va ko‘zga tashlanmaydigan pozisiyalarni egallash, maydon kuzatuvini tashkil etish, hujumga o‘tish, otish pozisiyalarini o‘zgartirish, yangi so‘qmoqlarni tashkil etish kabi mashqlarda mahorat va tajribalarini sinovdan o‘tkazib, bu boradagi bilim va ko‘nikmalarini yanada oshirildi.
O‘tkazilgan ushbu mashg‘ulotlar harbiy xizmatchilarning o‘ta murakkab vaziyatlarda aniq va tezkor harakatlanishga, noqulay sharoitlarda ham yashovchanlik ko‘nikmalari hamda jangovar shaylikni saqlash borasidagi bilimlarini mustahkamlashi bilan ahamiyatli bo‘ldi.
Mudofaa vazirligi Axborot va ommaviy kommunikasiyalar departamenti
Ozodbek Nazarbekov Botir Qodirov va Jo‘rayevlar haqida: “Uchta tirrancha buyuk san’atkorni loyga bulg‘amoqda”
Energiya tarmoqlariga o‘zboshimchalik bilan ularnish o‘g‘rilik hisoblanadi
Tatyana Karimova va Pyotr Karimov o‘rtasidagi sud ishi davom etmoqda
