AQShning sobiq prezidenti Jo Baydenning o‘g‘li Hanter Bayden otasiga qarshi korrupsiya ayblovlarini tarqatishda Isroil bilan bog‘liq shaxslar ishtirok etgan bo‘lishi mumkinligini bildirdi.
U bu haqda jurnalist Kendis Ouensga bergan intervyusida aytdi.
“Qarang, Isroil mudofaa kuchlarining iste’fodagi podpolkovnigi Gal Luft va AQSh Federal qidiruv byurosining sobiq xodimi Aleksandr Smirnov kimlar ekanini ko‘ring. Kongressda otamga qarshi korrupsiya ayblovlari bo‘yicha asosiy tayanch aynan shu ikki shaxsning bayonotlari bo‘ldi”, — dedi Hanter Bayden.
Uning fikricha, mazkur ayblovlarning tarqalishida Isroil bilan aloqador shaxslar muhim rol o‘ynagan bo‘lishi mumkin.