BMT Bosh kotibi Antoniu Guterrish Rossiyaning Vinnisaga hujumini qoraladi.
"Bosh kotib Ukrainaning markaziy qismidagi Vinnisa shahriga amalga oshirilgan raketa hujumidan dahshatga tushdi, buning oqibatida kamida 22 kishi, jumladan, uch bola halok bo‘ldi, 100 dan ortiq odam jarohatlandi. Bosh kotib tinch aholiga qilingan har qanday hujumni qoralaydi va yana bir bor bunday qonunbuzarliklar uchun javobgarlikni talab qiladi”, deyiladi BMT Bosh kotibining o‘rinbosari Farxan Xak tomonidan e’lon qilingan bayonotda.
