Sirdaryo viloyati markazi Guliston shahriga barcha hududlardan kirish har qanday transport vositalarida kirish uchun to‘xtatiladi.
«Viloyat hududiga koronavirus infeksiyasi kirib kelishi va tarqalishining oldini olish yuzasidan chora-tadbirlar dasturini tayyorlash bo‘yicha Sirdaryo viloyat maxsus komissiyasi qaroriga ko‘ra 2020 yil 27 mart kuni soat 00:01dan boshlab Guliston shahriga kirish va shahardan chiqish vaqtinchalik to‘xtatiladi», — deyiladi Sirdaryo viloyat IIB xabarida.
Bundan ko‘zlangan asosiy maqsad — koronavirus infeksiyasi viloyat hududi bo‘ylab tarqalishining oldini olishdir.
Cheklovlar quyidagi holatlarda tatbiq etilmaydi:
yuk tashish bilan bog‘liq holatlarga;
Guliston shahriga kirish chiqish faqat ikkita yo‘nalish bo‘yicha:
1-yo‘nalish: Guliston shahri, Guliston ko‘chasiga yo‘l o‘tkazgich ko‘priq orqali;
2-yo‘nalish: Guliston shahri, Do‘stlik qo‘rg‘oni, Xondamir ko‘chasida tashkil etilgan karantin postlari orqali — transport vositalari va yo‘lovchilarni dezinfeksiya qilgan holda amalga oshiriladi.
Guliston shahriga boshqa yo‘nalishlardan kirib-chiqish joylari to‘liq yopiladi.
Shahar hududiga kirishga qo‘yilgan cheklovlarga va karantin qoidalarini buzgan shaxslarga nisbatan qonunchilikda belgilangan tartibda choralar ko‘riladi.