Gollivud yulduzi Jorj Kluni BBC’ga bergan intervyusida o‘zining siyosiy ambisiyalari to‘g‘risidagi savolga javob bergan. Aktyorning hisoblashicha, unga prezident bo‘lish yoki boshqa siyosiy lavozimni egallash kerak emas, deb xabar beradi «Film.ru».
«Tinchgina yashaganim yaxshi. Bu yil 60 yoshga to‘ldim va rafiqam bilan umrimizning qolgan yillarini xotirjam o‘tkazishga qaror qildik… Shunday ekan, qolgan umrimni yaxshi o‘tkazish yo‘li haqida qayg‘uraman», — deydi Kluni.
Suhbatda, shuningdek, u AQShning amaldagi prezidenti Jo Baydanning siyosatini qo‘llab-quvvatlashini ta’kidlab, sobiq prezident Donald Trampni «to‘nka» deb atagan. Klunining o‘zi filmlarida bir necha bor siyosatchi rolini ijro etgan, masalan, «Mart kunlari» va «Xayrli tun va omad» kartinalarida.
Avvalroq Gollivudning taniqli aktyori Dueyn Jonson o‘zining Instagram’dagi sahifasi orqali AQSh prezidenti bo‘lish kabi imkoniyat tug‘ilsa, bundan faxrlanishini yozib qoldirgandi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Ariston kompaniyasi milliylashtirilgach, Rossiya elchisi Italiya TIVga chaqirtirildi
Oq uy Baydenning chiqishlarini qisqartiradi
