Germaniya Rossiyaga qarshi reja ishlab chiqyaptimi?

Germaniya Rossiya bilan qurolli to‘qnashuv ehtimoliga qarshi reja ishlab chiqmoqda, deb xabar bermoqda The Wall Street Journal.

Nashr manbalarining ma’lum qilishicha, Berlin bu yo‘nalishdagi harakatlarni qariyb ikki yil avval boshlangan.

Rejaga ko‘ra, NATO'ga a’zo davlatlarning 800 ming nafargacha harbiy xizmatchisi, jumladan Germaniya va AQSh qurolli bo‘linmalari sharqqa, taxminiy front chizig‘iga yuborilishi ko‘zda tutilgan.

"Mazkur reja puxta tarzda ishlab chiqilmoqda. Undagi xaritalarda qo‘shinlarni o‘tkazish rejalashtirilgan ko‘priklar, portlar, avtomagistrallar va daryolar belgilangan", deya yozadi WSJ.