Germaniya Kiyevga 7ta Gepard o‘ziyurar zenit qurolini beradi

Germaniya hukumati dastlab utilizasiya qilinishi kerak bo‘lgan ta’mirdan so‘ng bahorda Kiyevga yettita Gepard o‘ziyurar zenit qurolini yetkazib beradi. Bu haqda Der Spiegel yozadi.

Materialda aytilishicha, Germaniya Vazirlar Mahkamasi o‘q-dorilarni tezroq yetkazib berishga umid qilmoqda. Qayd etilishicha, ayni paytda 35 millimetrli snaryadlar yetishmaydi.

“Ularning zaxiralari hali ham butun dunyoda mavjud bo‘lsa-da, ularning aksariyati Shveysariyada ishlab chiqarilgan. Shu bilan birga, Shveysariya hukumati betaraf qolishni istamoqda va shu sababli eksport lisenziyalarini bermayapti ”, - deb yozadi nashr.

Noyabr oyi boshida Shveysariya Germaniyaning Gepard zenit o‘q-dorilarini Ukrainaga reeksport qilish haqidagi iltimosini rad etgani ma’lum bo‘ldi.