BMT Bosh kotibi Antoniu Guterresh o‘zining matbuot xizmati orqali G‘azo sektori aholisining to‘rtdan uch qismidan ko‘prog‘i oziq-ovqat yetishmovchiligi xavfi ostida ekanligini ma’lum qildi.
«G‘azoda 1,6 million kishi, ya’ni aholining 75% dan ortig‘i oziq-ovqat yetishmovchiligi va to‘yib ovqatlanmaslikning jiddiy xavfiga duch kelishi taxmin qilinmoqda», dedi u.
BMT kotibi anklavga gumanitar yordam yetkazib berishni ko‘paytirish muhimligini ta’kidladi. Shu nuqtai nazardan, BMT Bosh kotibi G‘azo chegarasida ko‘proq o‘tish punktlarini ochishga va gumanitar tashkilotlar xavfsizligini ta’minlashga chaqirdi.
«Bizga chinakam uzoq muddatli sulh kerak. Bizga ko‘proq o‘tish punktlari ochilishi, zarur tovarlarga cheklovlar bekor qilinishi, G‘azoga yetkazib berish uchun xavfsiz yo‘llar, katta miqdordagi mablag‘ va nodavlat tashkilotlar uchun to‘siqsiz kirish kerak», deb ta’kidladi Guterresh.
9 oktyabr kechasi AQSh prezidenti Donald Tramp Isroil hukumati va HAMAS Vashingtonning G‘azo mojarosini hal qilish bo‘yicha taklif qilingan rejasining birinchi bosqichiga rozi bo‘lganini e’lon qildi. Falastinlik mahbuslar evaziga isroillik garovga olinganlarni ozod qilish va Isroil qo‘shinlarining qisman olib chiqilishi ushbu rejaning birinchi bosqichini tashkil etdi.
To‘satdan kartangizdan pul yechilsa, hayron bo‘lmang!
Aholiga hech qanday shartlarsiz har 3 oyda 200 dollardan beriladi
Turkiya Rossiyadan sotib olingan S-400 zenit-raketa majmualarini qaytarmoqchi
