Professional boksning super yengil (-63,5 kg) vazn toifasida ringga chiqayotgan o‘zbekistonlik Fazliddin G‘oibnazarov 12 may tongida o‘zining sakkizinchi jangini o‘tkazdi.
AQShning Arizona shtati Tukson shahrida bo‘lib o‘tgan jangda unga amerikalik Maykl Foks (20 ta g‘alaba, 1 ta mag‘lubiyat) raqiblik qildi. 10 raundga mo‘ljallangan jang to‘liq davom etdi. Hakamlar ochkolar bo‘yicha Foks g‘alaba qozonganini e’tirof etdi. Unga ko‘ra, 96-92, 96-92, 95-93 hisoblarida Maykl Fazliddin ustidan g‘alaba qozondi.
Qayd etish joiz, Fazliddin professional ringdagi sakkizinchi jangida o‘zining dastlabki mag‘lubiyatini qabul qilib oldi. U bungacha o‘tkazilgan 7 ta jangning barchasida g‘alaba qozongandi.
Eslatib o‘tamiz, Foks uch oy muqaddam o‘zbekistonlik boshqa bir bokschi Shohjahon Ergashevga ochkolar hisobiga yutqazgandi.
Rossiya yana bir harbiy mojaroda ishtirok etishi mumkin
Makron: "Agar Rossiya g‘alaba qozonsa..."
Shohjahon Jo‘rayev ikki yil oldin otasi Sherali Jo‘rayevni sudga bergan
