Germaniya kansleri Olaf Shols Drezdenda Germaniya sosial-demokratik partiyasi a’zosi Mattias Ekkega qilingan hujumga izoh berib, jinoyatchilarning harakatlarini «demokratiyaga tahdid» deb atadi.
Sholsga ko‘ra, Ekke hodisasi «odamlarni bir-biriga qarama-qarshi qo‘yish oqibatida yaratilgan muhit» natijasidir. «Biz hech qachon bunday zo‘ravonliklarga toqat qilmasligimiz kerak. Biz ularga birgalikda qarshi turishimiz kerak», - dedi kansler.
41 yoshli Ekke 3 may kuni kechqurun Saksoniya poytaxtida saylovoldi plakatlarini osayotgan vaqtda hujumga uchragan - siyosatchi 2024 yil iyun oyida bo‘lib o‘tishi kerak bo‘lgan Yevropa parlamentiga saylovlarda qatnashmoqda.
Der Spiyegelning yozishicha, siyosatchi yuz suyagi singanligi sababli kasalxonaga yotqizilgan va operasiyaga muhtoj bo‘lgan.
Polisiya ma’lumotlariga ko‘ra, Ekkega hujum qilganlar qora kiyingan yigitlar bo‘lgan. Tergov Federal Jinoyat boshqarmasining Davlat xavfsizligini himoya qilish bo‘limi tomonidan olib borilmoqda.
Surxondaryoda pomidorni shpaklyovkaga "aylantirishdi"
Ukrainalik asir: "Ukraina Qurolli kuchlari qariyb uch yildan beri xorijiy snaryadlardan foydalanib kelmoqda"
AQSh mudofaa vazirining qo‘lida arabcha yozilgan tatuirovka bormi?
