Eronning yangi taklifi Hormuz bo‘g‘ozini ochishni ko‘zda tutadi

Eron Qo‘shma Shtatlarga mojaroni hal qilish bo‘yicha yangi taklifni taqdim etdi, bu taklif Amerika blokadasini bekor qilish, Hormuz bo‘g‘ozi orqali yuk tashishni qayta boshlash va keyinchalik Tehronning yadroviy dasturi bo‘yicha muzokaralarga o‘tishni o‘z ichiga oladi.

Bu haqda Axios nashri xabardor manbalar tayanib xabar bermoqda.

Eron tomoni yangi taklifni Vashington vakillariga Pokiston vositachiligi orqali taqdim etgan. "Tashabbus muzokaralar jarayonidagi mavjud to‘siqni buzishga va Eron rahbariyati Tramp ma’muriyati bilan kelishuvga erishish uchun qilishga tayyor bo‘lgan yadroviy imtiyozlar miqdori bo‘yicha kelishmovchiliklarni hal qilishga qaratilgan", deb ta’kidlaydi nashr.

Axiosning so‘zlariga ko‘ra, Eron tashabbusi "asosan Hormuz bo‘g‘ozi atrofidagi inqirozni hal qilishga va Amerika blokadasini bekor qilishga qaratilgan". Ikkala tomon ham amaldagi sulhni "uzoq muddatga" uzaytirish yoki harbiy harakatlarni to‘liq va yakuniy to‘xtatishga kelishish taklif qilinmoqda.

"Taklif qilingan kelishuvga ko‘ra, yadroviy [dastur] muzokaralari faqat keyingi bosqichda, Hormuz bo‘g‘ozi ochilgandan va iqtisodiy blokada bekor qilingandan so‘ng boshlanadi", deb ta’kidlaydi portal. Nashrning yozishicha, Amerika prezidenti 27 aprel kuni "Eron bilan muzokaralardagi mavjud qiyinchiliklarni muhokama qilish va mojaro paytida keyingi harakatlar uchun mumkin bo‘lgan variantlarni ko‘rib chiqish" uchun vazirlar mahkamasi yig‘ilishini chaqirishni rejalashtirmoqda.