Eron Xavfsizlik kengashi kotibi, mamlakatda Ali Xomanaiydan keyingi asosiy shaxs bo‘lgan Ali Larijoniy halok bo‘ldi. Islom Respublikasi rasmiylari buni tasdiqladilar.
Larijoniy bilan birga uning o‘g‘li Murtazo va xavfsizlik boshlig‘i o‘rinbosari Alirizo Bayat ham halok bo‘ldi.
Isroil hujumida "Basij" kuchlari (Islom inqilobi qo‘riqchilari korpusi bo‘linmasi) qo‘mondoni G‘ulomrizo Sulaymoniy ham halok bo‘ldi.
Tasnim axborot agentligi xabar berishicha, Larijoniyning dafn marosimi chorshanba, 18 mart kuni bo‘lib o‘tadi.
O‘tgan kuni Isroil mudofaa kuchlari Ali Larijoniy Eron hududiga amalga oshirilgan hujum nishonlaridan biri bo‘lganini e’lon qildi. Isroil ommaviy axborot vositalarining xabar berishicha, Larijoniy u yerga o‘g‘li bilan kelgani haqida ma’lumot olinganidan keyin hujum xavfsiz uyga qaratilgan.
67 yoshli Larijoniy Eron yadro dasturining me’mori hisoblanadi. 2000 yillarda u Qo‘shma Shtatlar bilan yadroviy muzokaralarni nazorat qildi va 2020 yillarda u Eronning Xitoy bilan yaqinlashuvining asosiy kuchiga aylandi. U o‘ldirilgan oyatulloh Ali Xomanaiyning eng yaqin ittifoqchilaridan biri hisoblangan; xususan unga Islom Respublikasidagi ichki noroziliklarni bostirish va urushga tayyorgarlik ko‘rish vazifasi yuklatilgan edi.
Eron musulmon davlatlariga chaqiriq bilan chiqdi
Erondagi vaziyatdan Markaziy Osiyoda eng ko‘p Tojikiston qiynalishi mumkin
Eron Isroilga o‘ta og‘ir ballistik raketalar bilan kuchli hujum uyushtirdi
