Eron futbol federasiyasi vise-prezidenti Mehdi Muhamad Nabi FIFA prezidenti Janni Infantinoning Eron milliy jamoasi 2026 yilgi jahon chempionatida ishtirok etishi haqidagi so‘zlariga munosabat bildirdi.
«Biz uchun eng muhimi — FIFA qoidalari va reglamentlaridir. Biz tashkilotning har qanday qarorini hurmat qilamiz. Har bir mezbon davlat FIFA oldida majburiyat olgan va ularga amal qilishi shart. U bizning o‘rtoqlik o‘yinlari o‘tkazayotganimizni bilgach, shaxsan keldi va samarali suhbat bo‘lib o‘tdi», — dedi funksioner.
Avvalroq Eron futbol federasiyasi prezidenti Mehdi Toj terma jamoa o‘yinlarini 2026 yilgi jahon chempionatida AQShdan Meksikaga ko‘chirish bo‘yicha muzokaralar olib borilayotganini ma’lum qilgan edi.
Shuningdek, Eronda mavjud geosiyosiy vaziyat tufayli terma jamoaning JCH-2026da ishtirok etmasligi ehtimoli ham aytilgan. AQSh prezidenti Donald Tramp esa Eron milliy jamoasining musobaqada qatnashishini nomaqbul deb hisoblashini bildirgan.
JCH-2026ni o‘tkazib yuboradigan eng qimmat futbolchilar reytingi tuzildi
Eron hukumati Azmunning mol-mulkini musodara qilishni boshladi
Rossiya yana Olimpiya o‘yinlarini qabul qilishga tayyor — Putin
