Eron AQSh va Isroilning Eron zavodlariga ilgari qilgan hujumlariga qaramay, yana yer osti ustaxonalarida ballistik raketalar ishlab chiqarmoqda.
Bu haqda The Wall Street Journal (WSJ) xabar bermoqda.
"AQSh va Yaqin Sharq rasmiylarining so‘zlariga ko‘ra, Eron yer osti inshootlarida zaxiralangan komponentlardan foydalangan holda ballistik raketalar ishlab chiqarishni qayta boshladi", deb xabar beradi nashr.
Gazeta manbalari Tehron sharqidagi Xojar kabi bir qator yer osti inshootlarida faollik kuzatilayotganini ko‘rsatmoqda. Eronlik mutaxassislar uchirilishdan oldin yoqilg‘i quyish kerak bo‘lgan raketalarni ham, jangovar tayyor modellarni ham yig‘moqdalar. Bundan tashqari, Eron rasmiylari yangi yer osti ishlab chiqarish inshootlarini qurishga harakat qilmoqdalar.
AQSh va mintaqaviy rasmiylarning so‘zlariga ko‘ra, Eron hozirda asosan fevral oyida harbiy harakatlar boshlanishidan oldin zaxirada saqlagan qismlaridan raketalarni yig‘moqda. AQSh rasmiylaridan biri 17 iyun kuni Vashington va Tehron o‘rtasida o‘zaro anglashuv memorandumi imzolangandan so‘ng, Eron ishlab chiqarishni past sur’atda qayta boshlaganini aytdi. Uning fikricha, Tehron mavjud zaxirasidan kamida 200 ta raketa yig‘ish imkoniyatiga ega.
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Dunyo xaritasi 500 yil ichida ilk bor yangilandi
Kanadalik olim Trampga Oy kimga tegishli ekanligini eslatib qo‘ydi
