O‘zbekiston Respublikasi Prezidenti Shavkat Mirziyoyev Turkiya Respublikasi Prezidenti Rejep Tayyip Erdo‘g‘on bilan birga Anqaradagi "Millat kutubxonasi"ning ochilish marosimida ishtirok etdi.
Tantanali marosimda Turkiya Respublikasi Prezidenti Rejep Tayyip Erdo‘g‘on nutq so‘zlab, O‘zbekiston haqida iliq fikrlar bildirdi.
Jumladan, “O‘zbekiston biz uchun madaniy tasavvurimizni shakllantirgan olimlarni yetishtirgan, ilm, irfon va madaniyat dunyomizni ta’minlagan hayot buloqlarimizdan eng muhimidir.
Beruniy, Mirzo Ulug‘bek, Ibn Sino, Xorazmiy, Ali Qushchi kabi olimlar, Imom Buxoriy, Imom Moturidiy, Imom Termiziy, Bahouddin Naqshband singari ulug‘larimiz bizga Movarounnahrning armug‘onidir”, dedi Turkiya Prezidenti.