Erdo‘g‘on parlament a’zolari o‘rtasidagi janjalga munosabat bildirdi

Turkiya Prezidenti Rajab Toyyib Erdo‘g‘on kecha parlamentda muxolifatdagi Respublika Xalq partiyasi a’zolari tomonidan qo‘zg‘atilgan janjal haqida fikr bildirdi.

Bu haqda turk rahbari bu voqeani muxolifatning takabburligining namoyishi deb atadi.

"Hammangiz Milliy Majlisda nima bo‘lganini ko‘rdingiz. Biz yana bir bor CHPning fashistik va takabburona fikrlash tarziga guvoh bo‘ldik. Yangi vazirlarning qasamyod qilishiga yo‘l qo‘ymaslik uchun ular minbarni egallab olish va zo‘ravonlik qo‘llash kabi barcha turdagi qonunbuzarliklarga qo‘l urishdi", dedi Erdog‘an.

Turkiya rahbari bunday harakatlar mamlakat siyosiy jarayoniga ta’sir qilmasligini ta’kidladi.

"Siz bu jarayonni to‘xtatish maqsadingizga erisha olmaysiz. Sizda uni to‘xtatishga na imkoniyat, na kuch bor", deb e’lon qildi u.

Eslatib o‘tamiz, 11 fevral kuni CHP deputatlari Turkiya parlamentida adliya vaziri Akin Gürlek va ichki ishlar vaziri Mustafo Chiftchining qasamyod qilish marosimini buzishga urinishgan. Hodisa hukmron partiya deputatlari bilan mushtlashuvga olib keldi.