Rossiyalik olimlar ko‘rilgan tushni qayta tiklay oladigan moslamani ishlab chiqdi. Bu haqda Milliy texnologiyalar bo‘yicha tashabbus platformasiga asoslanib, «MIR24» xabar berdi.
Ma’lum qilinishicha, ixtiro neyrogarnitura ko‘rinishida bo‘lib, Moskva fizika-texnika institutining neyrorobototexnika laboratoriyasi tadqiqotchilari tomonidan ishlab chiqilgan.
Qayd etilishicha, inson boshiga kiydiriladigan ushbu qurilma ish jarayonida kechasi ko‘rilgan tushni «miya-kompyuter» interfeysiga jo‘natadi. Uning yozib olinishi esa elektroensefalografiya va neyron tarmoq yordamida amalga oshiriladi.
Tadqiqotchilarning ta’kidlashicha, hozirgacha to‘liq bo‘lmasa-da, bir qancha insonlarning tushi yozib olingan. Mavjud tasvirlar asosida tushning mohiyatini bilish imkoniyati mavjud.
Olimlarning aytishicha, tizimni sinovdan o‘tkazish ikki yil oldin boshlangan bo‘lib, keyingi besh yil ichida uning yordamida tushni bemalol yozib olsa bo‘ladi.
Iqtisodiy jihatdan Moldova faqat Rossiya bilan hamkorlikda rivojlana oladi
Rossiya qo‘shinlari Avdeevka shimoli-g‘arbidagi Ukraina frontini yorib o‘tdi
Microsoft bitta tasvirdan video yaratadigan yangi neyron tarmoqni taqdim qildi
