Dubay metroning “Oltin liniyasi”ni ochmoqchi

Dubay o‘z tarixida birinchi marta metroning “Oltin liniyasi” deb nomlangan yangi loyihani ishga tushirish orqali jamoat transporti tizimini kengaytirishga tayyorlanmoqda.

Qurilish loyihasi Dubay hukmdori Shayx Muhammad bin Rashid Al Maktum tomonidan e’lon qilindi. Yangi 42 kilometrlik “Oltin liniya” 18 ta bekat va zamonaviy tunnellar tarmog‘ini o‘z ichiga oladi. Bu Dubay metrosining mavjud tunnellaridan ikki baravar uzunroq.

U shaharning 15 ta muhim strategik hududidan o‘tadi. U taxminan 1,5 million aholiga xizmat ko‘rsatadi va qurilayotgan 55 ta yirik ko‘chmas mulk loyihalari bilan transport aloqalarini yaxshilaydi.

— Dubayni dunyodagi eng yashash uchun qulay shaharga aylantirishga qaratilgan muhim loyihalarimiz ishga tushirildi. Kelajakdagi faoliyatimiz to‘xtamaydi, aksincha tezlashadi. Bizning rejamiz millionlab odamlar uchun yaxshiroq kelajak yaratishdir. Biz va’damizni bajarmoqdamiz, — deb yozdi Dubay hukmdori o‘zining X ijtimoiy tarmog‘ida.

Loyihaning qiymati 34 milliard dirham (9,25 milliard dollar) ga baholanmoqda. Qurilish ishlari 2032 yil 9 sentyabrda yakunlanishi rejalashtirilgan. Bu Dubay metrosi ochilganining 23 yilligiga to‘g‘ri keladi.

2040 yilga borib kunlik yo‘lovchilar soni 465 mingga yetishi rejalashtirilgan. 20 yil ichida umumiy iqtisodiy daromad 430 foizgacha yetadi.