AQShning Kolorado universiteti shifokorlari xatolik sabab, 73 yoshli ayolning ikkala buyragini olib tashlashdi.
Kolorado shtati fuqarosi Lindi Vulli "Fox31" telekanaliga bergan intervyusida 2018 yilning mart oyida shifokorlar unga buyrak saratoni tashxisini qo‘yib, may oyida ikkala buyragini ham olib tashlaganini aytgan.
“Tasavvur qiling, avvalroq sizga saraton tashxisini qo‘yib ikkala buyragingizni ham olib tashlagan shifokorlar keyinchalik hech qanday saraton bo‘lmaganini aytsa, qanday holatga tushar edingiz?” – dedi Lindi Vulli telekanal muxbiriga.
Ma’lum bo‘lishicha, jarrohlik amaliyotidan so‘ng ayolda o‘tkazilgan biopsiya natijalari yaxshi chiqqan va hech qaysi buyragida saraton kuzatilmagan.
Shifokorlarning xatosi tufayli Lindi Vulli haftada uch marotaba to‘rt soat davom etadigan dializ davolash kursidan o‘tishi kerak.
“Hayotim butunlay o‘zgarib ketdi. Dializ kurslari dam olishga chiqiladigan piknik emas, bular hayotimni o‘g‘irlamoqda”, – dedi ayol.
Hozir Lindi Vulli kamida bitta buyrak transplantasiyasiga muhtoj. Buning uchun esa Qo‘shma shtatlarda o‘rtacha yetti yil kutish kerak.
Tojikistonda bahorgi muddatli harbiy xizmatga chaqiruv rejasi 70 foizga bajarildi
Amerikalik taniqli bokschi Bahodir Jalolov haqida fikr birdirdi
Rossiya yana bir harbiy mojaroda ishtirok etishi mumkin
