Chiroqchi tumanidagi maktabda o‘quv-tabiya ishlari bo‘yicha direktor o‘rinbosari o‘quvchini qattiq haqorat qilgandikda va urganlikda ayblanmoqda. Bu haqida Qashqadaryo viloyati XTB ma’lum qildi.
Keltirilishicha, 2019 yil 25 oktyabr kuni Chiroqchi tumanidagi 89-umumiy o‘rta ta’lim maktabining 8-”b”sinf o‘quvchisi Xoldorov Jamshidni maktabning o‘quv tarbiya ishlari bo‘yicha direktor o‘rinbosari A.Xudayberdiyev sinfxonadagi o‘quvchilar oldida urgan hamda sha’ni va qadr-qimmatini yerga uruvchi haqoratli gaplarni aytgan.
Shu sababli o‘quvchining bobosi X.To‘rayev maktabga kelib A.Xudayberdiyevga nisbatan u aytgan haqoratli gapini isbotlab berishini, agar isbotlab bermasa unga nisbatan e’tiroz bildirib tegishli joylarga murojaat qilishini bildirgan.
Mazkur holat yuzasidan 89-umuiy o‘rta ta’lim maktabi o‘quv-tarbiya ishlari bo‘yicha direktor o‘rinbosari A.Xudayberdiyev qayerda ekanligi surishtirilganida, 2019 yil 28 oktyabr kuni soati 12-00dan tuman tibbiyot birlashmasidagi terapiya bo‘limida yotib davolanayotganligi aniqlandi.
A.Xudayberdiyev bilan suhbat o‘tkazilganda, o‘quvchisi Xoldorov Jamshid Bobur o‘g‘lini urmaganligi va haqorat qilmaganligini aytdi.
89-umumiy o‘rta ta’lim maktabi o‘quv tarbiya ishlari bo‘yicha direktor o‘rinbosari A.Xudayberdiyev kasalxonadan chiqqandan keyin faoliyati to‘liq o‘rganilib, amaldagi qonunchilikka asosan chora ko‘riladi.
Ayni paytda holat yuzasidan tegishli o‘rganishlar davom ettirilmoqda.