Chempionlar ligasida hafta ramziy jamoasi e’lon qilindi

Chempionlar ligasida yaqindagina o‘tish bosqichining javob o‘yinlari yakunlandi. UYEFA ushbu bahslarda eng yaxshi harakat qilgan futbolchilardan iborat ramziy terma jamoani taqdim etdi. Jamoa tarkibi quyidagicha ko‘rinish olgan:

Darvozabon: Oblak («Atletiko»).

Himoyachilar: Dzappakosta («Atalanta»), Byortuft («Budyo-Glimt»), Tapsoba («Bayer»), Makkenni («Yuventus»).

Yarim himoyachilar: Tchuameni («Real»), Tonali («Nyukasl»), Xyouge («Budyo-Glimt»), Kvarasxeliya («PSJ»).

Hujumchilar: Syorlot («Atletiko»), Osimxen («Galatasaroy»).

Eslatib o‘tamiz, Aleksandr Syorlot Chempionlar ligasida haftaning eng yaxshi futbolchisi deb topilgan edi. Norvegiyalik hujumchi «Bryugge»ga qarshi kechgan uy uchrashuvida xet-trik qayd etdi.