Buyuk Britaniya parlamentining Konservativ partiyasidan deputat Devid Emess pichoqlanish oqibatida vafot etdi. Bu haqda BBC News yozmoqda.
Qayd etilishicha, voqea Esseks grafligining Li-on-Si shahridagi cherkovda sodir bo‘lgan. Bu vaqtda deputat saylovchilar bilan uchrashuv o‘tkazayotgan bo‘lgan.
Esseks polisiyasining xabar berishicha, shifokorlar jabrlanuvchiga yordam berishga uringan, biroq u vafot etgan. Deputatning hamkasblari Twitter orqali marhumning oila a’zolari va yaqinlariga ta’ziya bildirgan. Xususan, mamlakat Bosh vazirining o‘rinbosari Dominik Raab Emessni “buyuk inson, a’lo do‘st va ajoyib deputat”, deb atagan.
Xabarga ko‘ra, 25 yoshli gumonlanuvchi qo‘lga olingan, uning yonidan pichoq topilgan. Hozircha qotillikka nima sabab bo‘lgani aytilmayapti.
Rossiya yana bir harbiy mojaroda ishtirok etishi mumkin
Makron: "Agar Rossiya g‘alaba qozonsa..."
Rossiya Armaniston uchun qaror chiqardi
