Buyuk Britaniya Typhoon qiruvchi samolyotlarini Polshaga yuboradi

Buyuk Britaniya NATO'ning “Sharqiy qo‘riqchi” operasiyasi doirasida Typhoon qiruvchi samolyotlarini Polshaga yuboradi

Bu haqda Buyuk Britaniya Mudofaa vazirligi matbuot xizmati xabar berdi.

"Britaniya qiruvchilari NATO'ning Eastern Sentry (“Sharqiy qo‘riqchi”) missiyasi doirasida Polsha ustida havo hujumidan mudofaa vazifalarini bajaradi, havo tahdidlariga, jumladan, dronlarga qarshi kurashadi", deyiladi bayonotda.

Shuningdek, xabarda tushuntirilishicha, Qirollik Harbiy-havo kuchlarining Typhoon qiruvchilari Daniya, Fransiya va Germaniya ittifoqdosh kuchlari bilan birga NATO'ning sharqiy qanotida mudofaa salohiyatini mustahkamlash uchun harakat qiladi.