Buxoroda mijoz xo‘jayinning pullarini o‘g‘irlab ketdi

2020 yil 01 yanvar kuni Buxoro tumanida yashovchi, 1990 yilda tug‘ilgan R.J Buxoro shahrida T.Farog‘iy ko‘chasida joylashgan “The centurion pub” nomli kafega o‘rtoqlari bilan mijoz sifatida kelgan.

U stolda qarovsiz qoldirilgan, kafe egasi Kogon tumanida yashovchi B.G.ga tegishli bo‘lgan qora rangli kurtkaning cho‘ntagidan 1200 AQSh dollari, 90.000 so‘m, 100 rubl va 10 rupiya naqd pullarni yashirin ravishda o‘g‘irlab olgan.

Mazkur holat yuzasidan R.J.ga nisbatan O‘zbekiston Respublikasi JKning 169-moddasi 1-qismi bilan jinoyat ishi qo‘zg‘atilib, dastlabki tergov harakatlari olib borilmoqda.