“Britaniya Gvianasi” nomini olgan marka 8,3 mln dollarga sotildi

Uni dunyoga mashhur “Stenli Gibbson” markalar katalogi sotib oldi.

Kompaniya vakilining aytishicha, “Britaniya Gvianasi” Londonda, “Stenli Gibbson” flagmanlik do‘konida ko‘rgazmaga qo‘yiladi. Shuningdek, raqamli kolleksiya yaratilib, markaning nusxasi ommaga namoyish qilinishi aytilmoqda.

Ekspertlarning fikricha, cheklangan adadda nashr etilgan 1 sentlik marka bir dona qolgan, uning narxining balandligi ham shu bilan izohlanadi. Bizning kunlargacha saqlanib qolgan nusxa Britaniya Gvianasi (hozirgi Gayana)da 1856 yilda chop etilgan.