"Biz Rossiya-Ukraina urushi BMT Xavfsizlik Kengashi rezolyusiyalari va xalqaro qonunlarga muvofiq to‘xtatilishini istaymiz". Bu haqda BMT bosh kotibining rasmiy vakili Stefan Dyujarrik AQSh prezidenti Donald Tramp va Rossiya prezidenti Vladimir Putin o‘rtasidagi telefon suhbatidan so‘ng Ukrainada qayd etilgan dron hujumlarini izohlar ekan, aytib o‘tdi.
O‘t ochishni to‘xtatishning ahamiyatiga to‘xtalib, tinch aholi nishonga olinmasligi kerakligini ta’kidladi.
Eslatib o‘tamiz, Tramp va Putin o‘rtasidagi muzokaralarga qaramay, tomonlar o‘rtasida aniq tinchlik kelishuviga erishilmagan, o‘zaro hujumlar davom etmoqda.
Ukraina Harbiy havo kuchlari ma’lumotlariga ko‘ra, Rossiya Sumi, Odessa, Poltava, Dnepropetrovsk, Kiyev va Chernigov viloyatlariga 145 ta dron, 2 ta ballistik raketa va 4 ta zenit raketasi yordamida zarbalar bergan.
Boshqa tomondan, Rossiya Mudofaa vazirligi, Ukrainaning bir kechada 57 ta uchuvchisiz samolyot bilan hujum qilganini, ulardan 35 tasi chegaradagi Kursk hududida urib tushirilganini bildirdi. Krasnodar o‘lkasidagi neft bazasida Ukraina uchuvchisiz samolyoti hujumidan so‘ng yong‘in chiqdi.
Dollar va yevro keskin ko‘tarildi
Kreml "yonmoqda" - Serbiya Ukrainaga yaqindan yordam bermoqchi
Eron Isroilning F-35 qiruvchi samolyotlarini urib tushirdi
