AQSh prezidenti Jo Bayden Rossiya prezidenti Vladimir Putinning Ukrainadagi mavjud vaziyatdan chiqish rejasi yo‘qligidan xavotir bildirdi. Bu haqda Reuters xabar berdi.
Agentlik ma’lumotlariga ko‘ra, Bayden Putinni “aqlli” shaxs deb atadi va u Rossiya prezidentining “hozirda (mojarodan) chiqish rejasi yo‘qligi”dan xavotirda ekanini ta’kidlagan. Qo‘shma Shtatlar prezidentining so‘zlariga ko‘ra, u "bu bilan nima qilish kerakligini aniqlashga harakat qilmoqda".