Bangladesh prezidenti: «Men xastaman, hammasi tugadi»

Bangladesh prezidenti Shaxabuddin Chuppu o‘z lavozimini tark etishini e’lon qildi.

U iste’foga chiqishi sababi sifatida xastalikni ko‘rsatdi.

«Men xastaman, shuning uchun hammasi tugadi», — deydi uning so‘zlarini keltirgan bdnews24 portali.

Iste’fo haqidagi arizaga qo‘l qo‘ygan-qo‘ymagani haqidagi savolga prezident «allaqachon hamma narsani aytib bo‘lganini» ta’kidladi.

24 iyul kuni kechqurun parlament binosida prezidentning iste’fosi qabul qilingani rasman e’lon qilinishi kutilmoqda.