Emirates Global Aluminium (EGA) Abu-Dabi zavodiga jiddiy zarar yetkazilgani va xodimlar jarohat olgani haqida xabar berdi. Bu kompaniyaning rasmiy veb-saytida chop etilgan press-relizda e’lon qilingan.
Abu-Dabi rasmiylarining ma’lumotiga ko‘ra, ushlangan raketa parchalari KEZAD maxsus iqtisodiy zonasiga tushishi natijasida olti kishi jarohat olgan. Sanoat zonasida uchta yong‘in sodir bo‘lgan, ammo keyinchalik ularni o‘chirishga muvaffaq bo‘lindi.