AQSh yaqin kunlarda Eronga zarba berishi mumkin — Bloomberg

AQSh hukumati Eronga nisbatan harbiy zarba berish imkoniyatini yaqin kunlarda ko‘rib chiqmoqda. Bu haqda Bloomberg agentligi o‘zining hukumatdagi manbalariga tayangan holda xabar berdi.

Ma’lumotlarga ko‘ra, tayyorgarlik jarayoniga yuqori lavozimli amaldorlar va bir nechta federal agentliklar jalb etilgan. Hujum — dam olish kunlarida amalga oshirilishi ehtimoli bor.

“Hali aniq qaror qabul qilinmadi, ammo vaziyat keskin. Agar Eron uranni boyitish quvvatlarini qisqartirishga tayyorligini namoyish etsa, zarba kechiktirilishi mumkin”, — deb qayd etgan agentlik manbalari.

👉 Nima uchun bu muhim?

– Vashington va Tehron o‘rtasidagi ziddiyat Isroil-Eron mojarosi ortidan yanada kuchaydi.
– AQSh Eronning yadroviy faoliyatini cheklash uchun bosimni oshirmoqda.
– Mojaroning kengayishi mintaqadagi barqarorlikka jiddiy tahdid solishi mumkin.