AQSh va Isroil delegasiyalari BMT kengashi sessiyasiga kelmadi

BMT Inson huquqlari kengashining oliy darajadagi sessiyasi ochilishida ilk marta AQShdan bironta vakil qatnashmadi.

Bugun, 24 fevral kuni Jeneva (Shveysariya)da BMT Inson huquqlari kengashining oliy darajadagi 58-sessiyasi ish boshladi. Biroq Kengashning majlislar zalida AQSh delegasiyasi uchun ajratilgan joy bo‘sh qoldi. Qolaversa, Isroil delegasiyasi ham kelmadi.

E’tiborli jihati, AQSh delegasiyasining majlisdagi joyi — Rossiya va Falastin delegasiyalari o‘rtasida.

Eslatib o‘tamiz, fevralning ilk haftasida AQSh va Isroil birin-ketin BMT Inson huquqlari kengashi a’zoligidan chiqib ketgandi.