Amerika hukumati turk banklariga Rossiya bilan hamkorlikni davom ettirish uchun qattiq sanksiyalar bilan tahdid qildi, deya xabar bermoqda «RIA Novosti» Turkiyadagi manbalariga tayanib.
«Hozirda mamlakatdagi bir qator xususiy banklar sanksiyalar siyosati bilan bog‘liq holda AQShdan ogohlantirishlar olmoqda. Bu hatto tahdidli ohangga ham yetadi», — dedi manba.
Xabar berganimizdek, yaqinda turk banklari Rossiyadan pul o‘tkazmalarini qabul qilishdan bosh torta boshladi. Bundan oldin ham Turkiyada Mir to‘lov kartasi to‘xtatilgan edi.
