AQSh Eronga uranni boyitishga 20 yillik moratoriy taklif qildi

Islomoboddagi muzokaralar davomida Qo‘shma Shtatlar Eronga uranni boyitishga 20 yillik moratoriy taklif qildi.

Bu haqda Axios AQSh rasmiysiga tayanib xabar bermoqda.

Xabarga ko‘ra, Eron tomoni qisqaroq moratoriy taklif qilish bilan javob berdi, manbalar buni 20 yildan "albatta qisqaroq" deb ta’riflagan.

"Eronning yadroviy dasturi bo‘yicha kelishmovchiliklar kelishuvga erishish yo‘lidagi asosiy to‘siq bo‘lib qolmoqda. Xususan, nizo Tehronning uranni boyitishdan va uning mavjud zaxiralaridan voz kechishga tayyorligi bilan bog‘liq", deb ta’kidladi manbalar.

Axios xabariga ko‘ra, Tehron boyitish darajasini tasdiqlangan pasaytirish shaklida muqobil variantni taklif qildi. Manbalar shuningdek, Eron tomoni vaqtinchalik kelishuvga erishishni kutganini, ammo AQSh vise-prezidenti J.D. Vansening muzokaralar tugagani va Amerika delegasiyasi ketayotgani haqidagi e’lonidan hayratda qolganini ta’kidlamoqda.